Home » Uncategorized » నువ్వు చూడని జీవితంలో ఎలా ఫెయిలయ్యావ్?

 

నువ్వు చూడని జీవితంలో ఎలా ఫెయిలయ్యావ్?

 

ఆదిత్యా!
నీకు నిండా పాతికేళ్ళు లేవు…
ఏం జీవితం చూసావని
ఈ పని చేసావ్?

బలవంతంగా తనువు చాలించేంత
జీవితమైతే ఖచ్చితంగా చూడలేదు నువ్వు.
జీవించి ఉన్నప్పుడు ఫెయిలవలేదు
మరణించి విఫలమయ్యావు…
అయినవాళ్ళకి పుట్టెడు దుఃఖాన్ని మిగిల్చి…

జీవితం ఉన్నది జీవించడానికే కాని
బలవంతంగా మరణాన్ని ఆహ్వానించడానికి కాదని…
తెలుసుకోలేక ఫెయిలయ్యావ్!!
జీవితమెన్నడూ బ్రతకడమే నేర్పుతుంది..
చావమనెప్పుడూ చెప్పదు…
నేర్చుకునే అవకాశాన్ని స్వీకరించకుండానే
ఫెయిలయ్యావని నీకు నువ్వే నిర్ణయించుకుని
బ్రతుకునంతం చేసుకుంటే…
మిత్రమా, ఆ ఫెయిల్యూర్ జీవితానిది కాదు…

మరోసారి ఆలోచించుకునే అవకాశమేలేదిక నీకు..
బ్రతికి ఉంటేనే కదా సక్సెస్సో ఫెయిల్యూరో తెలిసేది..
నీ జీవితం నీ ఒక్కడిదే కాదని…
నువ్వు గ్రహించి ఉంటే ఈ పని చేసేవాడివి కాదు..

(జీవితంలో ఫెయిలయ్యానని తల్లిదండ్రులకి ఉత్తరం వ్రాసి పెట్టి శామీర్‌పేట్‌లో ఆత్మహత్య చేసుకున్న ఆదిత్య పవన్ అనే కుర్రాడి గురించి ఈ రోజు (12 అక్టోబర్ 2014) పొద్దున్న చదివిన వార్తకు స్పందనగా ఈ వాక్యాలు..)

 

1 Comment

  1. rgreddy says:

    well said

Post a Comment